З 16 снежня 2022 года па 18 студзеня 2023 года ў галерэі "Берагiня" на другім паверсе галоўнага корпуса БНТУ праходзіла персанальная выстаўка карцін "Натхненне", прымеркаваная да Юбілею аўтара работ Святланы Мікалаеўны Шлапаковай, інспектара бюро прапускоў і старшыні цэх . .
Арганізатарам выставы выступіла Першасная прафсаюзная арганізацыя работнікаў Беларускага нацыянальнага тэхнічнага ўніверсітэта.
На выставе прадстаўлены карціны, сюжэтныя кампазіцыі, партрэты, нацюрморты і пейзажы, якія зачароўваюць сваёй незвычайнай чыстай прыгажосцю, яркасцю фарбаў і нясуць у сабе зарад пазітыву і станоўчай энергіі. Дзіўна, але Святлана Мікалаеўна з'яўляецца мастаком-аматарам і не мае класічнай мастацкай адукацыі. У 1982 годзе скончыла мастацкую школу №2 горада Мінска і толькі праз 20 гадоў занялася жывапісам. З мэтай павышэння свайго творчага ўзроўню яна з'ехала ў Маскву, дзе брала прыватныя ўрокі жывапісу. Займалася ў мастака Ігара Сахарава па курсе «партрэт», затым у Санкт-Пецярбургу навучалася ў Вольгі Базанавай. Наведвала пленэры са Зміцерам Роза ў Крыме (Форос) па курсе «марскі пейзаж». Сёння Святлана Мікалаеўна з'яўляецца аўтарам больш за восемдзесят карцін, многія з якіх знаходзяцца ў прыватных калекцыях Беларусі, Расіі і за мяжой.
У кнізе водгукаў пакінулі свае яркія ўражанні ганаровыя госці БНТУ рэктар Мінскага дзяржаўнага лінгвістычнага ўніверсітэта Н.Я.Лапцева, прадстаўнікі афіцыйнай дэлегацыі Ташкенцкага дзяржаўнага тэхнічнага ўніверсітэта імя Іслама Карымава (ТДТУ, Рэспубліка Узбекістан) рэктар Садрытдзін Маннанаў і нашы госці са Свята-Елісавецінскага манастыра Беларускай праваслаўнай царквы, а таксама работнікі і студэнты БНТУ.
✅ Для падтрымкі і стымулявання творчых ініцыятыў працаўнікоў універсітэта прафсаюзны камітэт Першаснай прафсаюзнай арганізацыі працаўнікоў БНТУ ў надыходзячым годзе плануе правесці акцыю «Алё, мы шукаем таленты!» , каб творчыя людзі атрымалі магчымасць прадставіць гледачам свае таленты ў розных кірунках творчасці.