У рамках рэалізацыі дамоваў аб супрацоўніцтве паміж Беларусkim нацыянальным тэхнічным універсітэтам і ўстановамі агульнай сярэдняй адукацыі факультэт інфармацыйных тэхналогій і робататэхнікі сумесна з сектарам суправаджэння адукацыйнай інтэграцыі ЦРІОіАУП для педагагічных работнікаў УАСА, якія курыруюць работу класаў інжынернай накіраванасці і рэалізуюць праграму факультатыва «У свеце тэхнікі і тэхналогій: абіраем інжынерную прафесію», 4 лістапада 2025 года правёў практыка-арыентаваны навучальны семінар на базе ДУА «Гімназія № 39 г. Мінска».
У межах семінара выступіў старшы выкладчык кафедры «Робататэхнічныя сістэмы» Прохаравіч Сяргей Сяргеевіч з дакладам «Праектная робататэхніка». Таксама былі разгледжаны пытанні па асваенні платформы TRIK Studio і сучасныя метады выкладання асноў робататэхнікі ў установах агульнай сярэдняй адукацы.
Мэтай мерапрыемства з’яўляецца стварэнне і развіццё прафесійнай супольнасці педагогаў пры ўдзеле БНТУ як каардынатара развіцця інжынерна-тэхнічнай адукацыі ў Рэспубліцы Беларусь, удасканаленне зместу адукацыйнага працэсу ў галіне робататэхнікі ў УАСА праз увядзенне сучасных методык выкладання і папулярызацыю інжынерна-тэхнічнай адукацыі.
У праграме семінара выступілі наступныя дакладчыкі:
1. Чарноў Дзмітрый Валер’евіч, настаўнік фізікі, ДУА «Сярэдняя школа № 15 г. Салігорска». Тэма: выкарыстанне віртуальнай робататэхнікі TRIK Studio для падрыхтоўкі да робататэхнічных спаборніцтваў.
2. Голік Аляксей Валер’евіч, прадстаўнік аргкамітэта «Кубка па адукацыйнай робататэхніцы», кандыдат тэхнічных навук. Тэма: спаборніцтвы Кубка па адукацыйнай робататэхніцы: фарматы, патрабаванні, перспектывы ўдзелу школ.
3. Прохаравіч Сяргей Сяргеевіч, старшы выкладчык кафедры «Робататэхнічныя сістэмы». Тэма: прымяненне праектнай робататэхнікі ў адукацыйным працэсе, фарміраванне заданняў для навучэнцаў, конкурсы праектнай робататэхнікі ў Рэспубліцы Беларусь.
Вынікам семінара сталі дамоўленасці аб метадычнай падтрымцы школ, абмене вучэбнымі матэрыяламі і развіцці супрацоўніцтва па падрыхтоўцы вучняў да ўдзелу ў спаборніцтвах і праектнай дзейнасці ў сферы робататэхнікі.
